 |
| မံစီမြို့နယ် KIA တပ်ရင်း (၂၇) ကို အစိုးရ ရဟတ်ယာဉ်ဖြင့် ထပ်မံ တိုက်ခိုက် |
ယနေ့ တဖန် အစိုးရတပ် က ကချင် လွတ်လပ်ရေး တပ်မတော် KIA တပ်ရင်း (၂၇) ကို ကချင်ပြည်နယ် တောင်ပိုင်း မံစီမြို့နယ် အတွင်း ရဟတ်ယာဉ်ဖြင့် တိုက်ခိုက်ကြောင်း သိရပါသည်။
မွန်းလွဲ ၃ နာရီခန့် ဗန်းမော်မှ ဟယ်လီကွပ်တာ (Helicopter Gunship) အမျိုးစား ရဟတ်ယာဉ် ၂ စီးဖြင့် KIA တပ်ရင်း (၂၇) ခူးဘွမ် (Hku Bung) နှင့် မဂျီဂုန် (Maji Gung) ဘက်တွင် လာရောက် ဗုံးကျဲ တိုက်ခြင်းဖြစ်ပါသည်။
ကချင် လွတ်လပ်ရေး အဖွဲ့ KIO/KIA လိုင်ဇာမှ တာဝန်ရှိသူ ဗိုလ်မှူးကြီးနော်ဘူ က တော့ “Helicoper ၂ စီးနှင့် ဗုံး ကျဲတိုက်ပြီး ပြန်ခေါက်သွားတယ်၊ လူမရှိတဲ့ နေရာတွေမှာပဲ” ဟု ပြောပါသည်။
ယမန်နေ့ ကလည်း အစိုးရတပ်မှ ဂျက်တိုက်လေယာဉ် ၂ စီးဖြင့် KIA တပ်ရင်း (၂၇) အူလန်ပါ (Ulang Pa) နှင့် ခရှန် (Hka Shang) ဒေသကြား နေရာတွေမှာ ၂ ကြိမ် လာရောက် ဗုံးကျဲ တိုက်ခိုက်ခဲ့ပါသည်။
ယင်း ဗုံးကျဲ တိုက်ခိုက်မှုတွင် တရုတ် လူမျိုး ၁ ဦး ထိခိုက် ဒဏ်ရာ ရသွားကြောင်းလည်း ဒုဗိုလ်မှူးကြီးနော်ဘူ က ပြောပါသည်။
ယခုလို အစိုးရတပ်မှ KIA တပ်ရင်း (၂၇) ကို ယမန်နေ့ ကစပြီး ဗုံးကျဲတိုက်ခိုက်နေမှုမှာ အရပ်သား အစိုးရ တက်လာပြီး ပထမဆုံး အကြိမ်ဖြစ်သည်။
အစိုးရတပ်နှင့် ကချင် လွတ်လပ်ရေး တပ်မတော် KIA တို့၏ တိုက်ပွဲမှာ ဧပြီလဆန်းပိုင်းက စပြီး ယနေ့ထိ နေ့တိုင်းလိုလို ကချင်ပြည်နယ်နှင့် ရှမ်းပြည်နယ်မြောက်ပိုင်း ဒေသ တွေမှာ ဖြစ်ပွားနေပါသည်။
0 comments:
Post a Comment