ဒေသခံနှင့် ဆောက်လုပ်ရေးအဖွဲ့ အလုပ်သမားများ အချင်းများ ရန်ဖြစ်ရာမှ ဒေသခံ ဂျတ်နော်လီ (၁၈) နှစ် သေဆုံးမှုတွင် မှုခင်း ဆရာဝန်၏ လိမ်လည်ထွက်ဆိုမှုကြောင့် တရားခံများ လွှတ်မြောက်သွားသည် ဟု သေဆုံးသူ၏ ဖခင် က ဆိုသည်။
ဖြစ်စဉ်မှာ ၂၀၁၅ ခုနှစ် မေ လ ၃၁ ရက်နေ့ တနင်္ဂနွေနေ့ ည တွင် မချမ်းဘော့မြို့ (Machyang Baw) ၌ ဖြစ်ပွားခဲ့ခြင်း ဖြစ်သည်။
ပူတာအို ခရိုင် တရားခွင်၏ ဆုံးဖြတ်ချက်ကို ကျေနပ်မှု မရှိသောကြောင့် ပြည်နယ် တရားခွင်သို့ အယူခံဝင်ထားသည် ဟု သိရသည်။
ပြည်သူ့ရဲတပ်ဖွဲ့ က ဆောက်လုပ်ရေးသုံး တလက်မ လုံးပတ် သံတုတ် နှစ်ချောင်းနှင့် လေးပေခန့် အရှည် သစ်သား တုတ်ချောင်းကို သက်သေခံ ပစ္စည်းအဖြစ် တရားခွင်သို့ တင်ပြထားသော်လည်း မှုခင်း ဆရာဝန်၏ ဆေးမှတ်တမ်းတွင် ‘သာမန် ပွန်းပဲ့ ဒဏ်ရာ’ ဟု သာ ထွက်ဆိုထားသည်။
ယခင်က သေဆုံးသူ၏ ဖခင် ဦး ဂျတ်ဂျာနော် ကိုယ်တိုင် အလောင်းခွဲစိတ်သူ ခရိုင် မှုခင်း ဆရာဝန်အား လူကိုယ်တိုင် မေးမြန်းခဲ့စဉ် က ‘သေဆုံးသူမှာ နောက်စေ့ ကြေမွကာ ဦးခေါင်း တစ်ခုလုံး မွနေ၍ မည်သို့မျှ အသက်ရှင်နိုင်မည် မဟုတ်’ ဟု နှုတ်အားဖြင့် ပြောဆိုခဲ့သည် ဟု သိရသည်။
သို့သော် ထိုဆရာဝန် ပြောင်းရွှေ့ သွားပြီးနောက် အခြား ဆရာဝန် တရားခွင်သို့ ဆေးမှတ်တမ်း ဖတ်ကြားရာ တွင် သာမန် ပွန်းပဲ့ ဒဏ်ရာများ ဟုသာ ထွက်ဆိုခဲ့သည်။
ခရိုင်တရားရုံး၏ အမိန့်ချမှတ်ချက် မိတ္တူတွင် ဖြစ်စဉ်ကို ‘မေလ ၃၀’ ဟု မှားယွင်းစွာ ဖော်ပြထားသည့် အပြင် သေဆုံးသူ၏ ဒဏ်ရာကို ‘သာမန် ပွန်းပဲ့ ဒဏ်ရာ’ ဟု ဖော်ပြ၍ တရားသေ လွှတ်ပေး ခဲ့သည်။
0 comments:
Post a Comment