 |
| KBC အထွေအထွေ အတွင်းရေးမှူး Rev. Dr. Hkalam Samson မှ PJS အပါအဝင် လူထု ၁၀၀၀၀ ကျော်အား ဒေသနာဖြင့် ခွန်အားပေးနေပုံ၊ ချီဖွေ- ဆဒုံး လမ်းခွဲ၊ မြစ်ကြီးနား-ကန်ပိုင်တီ လမ်းမ၊ ဝိုင်းမော်မြို့နယ်၊ ကချင်ပြည်နယ် |
မြန်မာအစိုးရ ထိန်းချုပ်နယ်မြေ ကန်ပိုင်တီဒေသ ဘိန်းခြံများ ဖျက်ဆီးနိုင်ရန် လူထု ၁၀၀၀၀ ကျော် ပါဝင်သော အထူး ဆုတောင်းပွဲကြီးကို ဘိန်းခင်း တိုက်ဖျက်ရေး အဖွဲ့များ တားဆီးခံရသည့် နေရာတွင် ယနေ့ ဖေဖော်ဝါရီ ၂၁ နံနက် ပိုင်းတွင် ပြုလုပ်ခဲ့ပါသည်။
ဆုတောင်းပွဲကို ကချင် လူထု မူးယစ်ဆေးဝါး တိုက်ဖျက်ရေး PJS အဖွဲ့ များကို အစိုးရ စစ်တပ်နှင့် ရဲ များ တားဆီး ထားသော နေရာ ကန်ပိုင်တီလမ်း ချီဖွေ-ဆဒုံး လမ်းခွဲတွင် မြစ်ကြီးနားမြို့နှင့် ၀ိုင်းမော်မြို့တို့မှ လူထု ထောင်ပေါင်းများစွာ လာရောက် ပြုလုပ်ခဲ့ခြင်းဖြစ်သည်။
ကချင် ခရစ်ယာန် ဂိုဏ်းပေါင်းစုံ အသင်းတော် ခေါင်းဆောင်များက PJS အဖွဲ့တွင် ပါဝင် ဆက်ကပ်ကြသူများကို နှုတ်ကပတ်တော်ဖြင့် အထူး ခွန်အားပေးခြင်းနှင့် ဆုတောင်းပေးခြင်းများ ပြုလုပ်ခဲ့ပါသည်။
ကန်ပိုင်တီ ဘိန်းခင်း ဖျက်ဆီးရေးကို နောက်ဆုတ်ရန် အစီစဉ် မရှိကြောင်း ယနေ့ ၀တ်ပြု အစီစဉ် ဒေသနာတွင် ကချင် နှစ်ခြင်း ခရစ်ယာန် အဖွဲ့ချုပ် KBC အထွေထွေ အတွင်းရေးမှုး Rev. Dr. Hkalam Samson က ယခုလို မြန်မာဘာသာဖြင့် အလေးအနက်ထား ထည့်ပြောခဲ့သည်။
“ကျနော်တို့ နောက် မဆုတ်ပါဘူး။ ရှေ့ကို တိုးမှာ ဖြစ်ပါတယ်။ ဒီမှာရှိတဲ့ တာဝန်ရှိတဲ့ လုံခြုံရေးတွေက အထက်အမိန့် လို့ပြောတယ်။ ကျနော်တို့ရဲ့အထက်အမိန့် ကလည်း ရှင်းရှင်း လင်းလင်း ပြတ်ပြတ် သားသား ကျနော်တို့ ရှိပါတယ်။ ကျနော်တို့ ခရစ်ယာန်များရဲ့ အထက်အမိန့်ဟာ ဘုရားသခင် စေခိုင်းတာကို လုပ်ဖို့ဖြစ်ပါတယ်။”
KBC သည် ကချင် အသင်းတော်များတွင် အကြီးဆုံးဖြစ်သည်။
မူးယစ်ဆေးဝါးသည် ကချင်အမျိုးသားများ အတွက် မက လူသားအားလုံး၏ ‘ဘုံရန်သူ’ ဖြစ်သောကြောင့် မြန်မာအစိုးရနှင့် KIO ကြား မူဝါဒ ကွဲပြားမှု ရှိသော်လည်း မူးယစ်ဆေးဝါး တိုက်ဖျက်ရေးတွင်မူ ပူးပေါင်း သင့်ကြောင်း PJS အဖွဲ့ ခေါင်းဆောင်များ ယုံကြည်ထားပါသည်။
လူထု အင်အား ၃၇၀၀ ကျော်ရှိသော PJS အဖွဲ့သည် ဖေဖော်ဝါရီ ၁၆ ရက်နေ့မှ ယခုအချိန်ထိ ချီဖွေ-ဆဒုံး လမ်းခွဲတွင် အစိုးရ ရဲ နှင့် စစ်တပ်များ၏ တားဆီးမှုကြောင့် သောင်တင်နေဆဲဖြစ်သည်။
သို့သော်လည်း လာမည့် အပတ်တွင် ဘိန်းခင်းတိုက်ဖျက်ရေး အစီစဉ်ကို အတားအဆီးရှိသော်လည်း စတင်မည်ဖြစ်ကြောင်း PJS အဖွဲ့ဝင်များ ပြောဆိုနေကြသည်။
0 comments:
Post a Comment