 |
| Hpakan e lung wa ai Myen asuya hpyenla ni |
Hpakan lam Chyahkrau mare makau Jai Mai Pa hta Myen asuya dap hte Wunpawng Mungdan Shanglawt Hpyendap (KIA) lapran dai hpawt, aten kadun gasat poi byin sai re.
Mugawng hte Kamai lapran, Kamai kawn deng 10 daram gang ai Jai Mai Pa hta asuya dap hte KIA Dap 6 Mungshawa Hpyen Hpung (MHH) lapran jahpawt hkying 6 daram hta, aten kadun gap hkat wa ai re lam, Kamai na salang langai Kachinnews de tsun shateng ai.
Myen dap maga Lawu Myen mung Pating daju Sinna-dingda Daw Daju (N.P.Hk), hkaleng dazik (ye-lai) hpyenla ni hte byin ai re lam KIA shiga lawk tsun ai re.
Lahta na salang wa matut nna “Daini gaw Myen hpyenla ni Hpakan de lung ai pyada ni mung Hpakan de lung..Mugawng de mung yu wa ai ni mung nga rai nna daini gaw yu wa lung wa re ma ai Myen hpyenla ni gaw” nga tsun ai.
Hpakan lam majan hte seng nna KIA ginjaw Laiza na Du Kaba Nhpang Naw Bu hpe san yu ai shaloi, Myen hpyendap hte gap hkat ai hte shanhte hpyen n-gun jat ai lam hpe tsun shateng tim, aten kade daram gasat hkat ai hpe gaw n chye shi lam, tsun ai re.
June 16 ya kaw nna KIA Dap 6 ginra, Hpakan lam hte Hpakan Uru Sengmaw ginra e asuya dap hte shani shagu ngu na majan bai byin wa ai re.
0 comments:
Post a Comment