တိုက်ပွဲကြောင့် တောထဲတိမ်းရှောင်နေသော အင်ခါကျေးရွာ ဒေသခံ ၁၀၀ ခန့် အတွက် အရေးပေါ် အကူညီလိုအပ်

ကချင်ပြည်နယ် မြောက်ဖျားပိုင်း ပူတာအိုခရိုင် မချမ်းဘော့မြို့နယ် အင်ခါဂါကျေးရွာတွင် သြဂုတ်လ ၂၈-၂၉ အတွင်းဖြစ်ပွားခဲ့သော တိုက်ပွဲကြောင့် ဒေသခံရွာသားများ အသီးသီး ထွက်ပြေးတိမ်းရှောင်ခဲ့ကြရာ တောထဲတွင် ပုန်းခိုနေသော ဒေသခံ ၁၀၀ ခန့်အတွက် အရေးပေါ်အကူအညီလိုအပ်နေကြောင်းသိရသည်။

အစိုးရတပ် ခလရ (၁၃၇) နှင့် ကချင်လွတ်မြောက်ရေးအဖွဲ့ KIO တပ်မဟာ (၁) တပ်ရင်း (၇) ကြား တိုက်ပွဲဖြစ်ပွားခဲ့ချိန် ရွာသား ၂၀၀ ခန့်သည် ထွက်ပြေးတိမ်းရှောင်ခဲ့ရာ လူလတ်ပိုင်း ၁၁ ဦးသာ နောင်ခိုင်ကျေးရွာသို့ စက်တင်ဘာ ၄ ရက်နေ့က တိမ်းရှောင်လာနိုင်ခဲ့ခြင်းဖြစ်သည်ဟု  အကူညီပေးနေသော ကချင်နှစ်ခြင်းခရစ်ယာန်အဖွဲ့ချုပ် (KBC) အတွင်းရေးမှူး ဒေါက်တာ ခလမ်ဆမ်ဆွန် ပြောသည်။

“အခု ရောက်လာတဲ့ ၁၁ ယောက်က ဖြစ်နိုင်သလိုထွက်ပြေးလာလို့ရွာထဲကိုရောက်လာတယ်။ အဲဒါ ကျန်တဲ့ ၁၀၀ လောက်က တောထဲမှာဆိုတော့ သူတို့ကို အစာရေစာမရှိ ကြာရင်အရမ်းခက်ခဲ နေကြမယ်လို့ ပြောတယ်။ ရွာသား အဖိုးကြီးအဖွားကြီးတွေ ၂၀ လောက်က အဲဒီရွာမှာပဲ လမ်းမလျှောက်နိုင်လို့ ရွာထဲမှာနေခဲ့ကြတယ်တဲ့။ ထွက်ပြေးလာတဲ့သူတွေ ၄၀ လောက်တော့နောင်ခိုင်ရွာ အနီးနားမှာရောက်နေကြတယ်။”

အဆိုပါ ဒေသခံ များကို ကူညီပေးနိုင်ရန် ကချင်နှစ်ခြင်းခရစ်ယာန်အဖွဲ့ချုပ် KBC မှ အစိုးရနှင့်ညှိနှိုင်းဆောင်ရွက်ကာ အချိန်မှီကူညီပေးနိုင်ရန် ပြင်ဆင်နေကြောင်း KBC အတွင်းရေးမှူး ဒေါက်တာခလမ်ဆမ်ဆွန် KNG ကချင်သတင်းဌာနသို့ ဆက်ပြောသည်။

“အဲဒါ အယောက် ၁၀၀ လောက်ကို လာခေါ်ဖို့အတွက် ဗျူဟာမှူးကိုပြောကြည့်တော့ မရဘူးလို့ပြောတယ်တဲ့။ ဆိုတော့ အဲဒီလူတွေက တောထဲမှာ ရွာထဲကိုလည်းမပြန် ဟိုမရောက်ဒီမရောက်ဖြစ်နေကြတယ်။ သွားခေါ်လို့လည်းမရဘူး သွားခေါ်ရင်လည်း မလိခမြစ်ကနေပဲ သွားခေါ်ရမယ်တဲ့ အခုသူတို့က မလိခ မြစ်မှာ အစိုးရတပ်တွေရှိနေတော့ ဆင်းလာဖို့လည်းကြောက် ဖြစ်နေကြတယ်။ အဲဒါကြောင့် ကျွန်တော်တို့လည်း ပြည်နယ်အစိုးရကိုပြောကြည့်ဖို့ လုပ်နေတယ်။ ဒီနေ့ပြောဖို့ စောင့်နေတယ်။”

အင်ခါဂါကျေးရွာအနီးဖြစ်ပွားခဲ့သော ၄င်းတိုက်ပွဲများသည် ပြင်းထန်မှုရှိခဲ့ပြီး ထိခိုက်သေဆုံးမှုများရှိခဲ့သည်ဟု  KIO ဖက်မှသိရသည်။ ယခုချိန် တိုက်ပွဲဖြစ်ပွားသောနေရာအနီးတ၀ိုက် အစိုးရတပ်နှင့် ဦးတန်ဂူးတန် ပြည်သူ့စစ်တပ်ဖွဲ့များ လှုပ်ရှားနေဆဲ ဖြစ်ကြောင်း သိရသည်။

ထိုတိုက်ပွဲကြောင့် ဒေသခံများသည် ကြောက်လန့်၍ ထွက်ပြေးတိမ်းရှောင်ခဲ့ရာ တောတောင်များတွင် သောင်တင်နေခြင်းဖြင်ကြောင်းသိရသည်။ အင်ခါကျေးရွာတင် အိမ်ခြေ ၅၀ ကျော် ရှိပြီး ဒေသခံရွာသားများ ၂၀၀ ခန့် နေထိုင်ကြောင်းသိရသည်။

ယခုချိန် အဆိုပါစစ်ပြေးဒုက္ခသည်များကို ကချင်နှစ်ခြင်းခရစ်ယာန်အဖွဲ့ချုပ် KBC မှ လက်လှမ်းမီနိုင်သောနေရာများတွင် ကူညီမှုပေးနေပြီး တောတွင်းသို့ထွက်ပြေးနေသူများကို အစာငတ်ပြတ်အသက်အန္တရယ်မှ အမြန်ဆုံးကယ်တင်နိုင်ရန် ဆက်လက်လိုဆောင်သွားမည်ဖြစ်ကြောင်း KBC ကူညီရေးအဖွဲ့မှပြောသည်။

www.kachinnews.com

www.burmese.kachinnews.com

www.kahcin.kachinnews.com

www.kachin-news.blogspot.com

http://www.facebook.com/Kachin-News-Group

Posted in: သတင်း